Mbacitira Anzako Bzomwe Ungadafuna Kuti Iwo Akucitirembo

Nsiku ibodzi kolo adayenda kukacemera kamba kuti adzadye naye pabodzi ku mui kwace. Pomwe adafika, kolo adakwira m'muti na cakudya cace, aciwuza kamba kuti akwirembo. Kamba adayezera kukwira, koma bzidamunesa. Ndipo kolo adadya yekha cakudya cire mpaka kumala.

Tsono, pa nsiku inangombo, kamba adaphika cakudya cace, acicitula patali na nthawale. Ndipo adacemera kolo kuti ayendembo ku mui kwace kuti akadye naye. Pomwe kolo adafika, kamba adamuuza: "Inepano ndasamba kale m'manja, kuti iwepo udye nande, ndoko ukasambembo m'manja."

Kolo akhayenda kazinji-kense kuti akasambe m'manja ku thawale kule, tsono pakubwerera,
manja yace yakhapswipa thangwe ra kuphata pansi pakufamba. Nthawe imweyo kamba adamala kudya yekha cakudya cense.